Наманган вилояти ҳокимлиги учта туманда бўлиб ўтган ҳокимлик тайинлови ҳақида хабар қилди.
Унга кўра, Наманган вилояти ҳокимининг қарори ҳамда туман Кенгаши депутатлари тасдиғи билан Дилмурод Ғофурович Қодиров Косонсой тумани ҳокими этиб тайинланди.
У мазкур лавозимда Президентнинг Наманган вилоятидаги Халқ қабулхонаси мудири бўлган Баҳодир Турсунович Юсуповнинг ўрнида фаолият бошлади.
Дилмурод Қодиров 1972 йил 26 апрель куни Наманган шаҳрида туғилган. Маълумоти олий, 1993 йили Андижон қишлоқ хўжалиги институтини тамомлаган. Мутахассислиги олим-агроном.
У 2017 йил 17 майдан буён ҳозирги вақтга қадар Норин тумани ҳокими лавозимида фаолият юритиб келаётган эди.2021 йил август ойида Президент фармони билан “Содиқ хизматлари учун” медали билан тақдирланган.
Наманган вилояти ҳокимининг қарори ҳамда туман Кенгаши депутатлари тасдиғи билан Жўрабек Хамидович Нурматов тумани ҳокими этиб тайинланди.
Жўрабек Хамидович Нурматов 1979 йил 30 июль куни Норин туманида туғилган. Маълумоти олий, 2003 й. Андижон қишлоқ ҳўжалик институти. Мутахассислиги ҳисобчи-аудитор.
У 2020 йилдан ҳозирги вақтга қадар Норин тумани ҳокимининг биринчи ўринбосари лавозимида фаолият юритиб келаётган эди.
Наманган вилояти ҳокимининг қарори ҳамда туман Кенгаши депутатлари тасдиғи билан Жахонгир Носиржанович Риззаев Учқўрғон тумани ҳокими этиб тайинланди.
Жахонгир Риззаев 1986 йил 5 декабрь куни Чортоқ туманида туғилган. Маълумоти олий, 2008 йили Наманган муҳандислик педагогика институтини тамомлаган. Мутахассислиги муҳандис-энергетик.
У 2018 йил май ойидан, ҳозирги вақтга қадар "Наманган ҳудудий электр тармоқлари корхонаси" АЖнинг бош директори лавозимида фаолият юритиб келаётган эди.
