Кинематография агентлиги ташаббуси билан “Миллий кинематография – Янги Ўзбекистон тимсоли” кино ойлиги давом этмоқда.
Куни кеча Тошкент ирригация ва қишлоқ хўжалигини механизациялаш муҳандислари институтида “Абдулла Орипов” ҳужжатли фильми ижодкорлари билан учрашув ташкил этилди ҳамда фильм намойиш қилинди.
Кинокартина Кинематография агентлиги, Тошкент ирригация ва қишлоқ хўжалигини механизациялаш муҳандислари институти билан ҳамкорликда “Spectre” киностудияси томонидан Ўзбекистон Қаҳрамони, Ўзбекистон халқ шоири Абдулла Орипов ҳаёти ва ижоди ҳақида яратилган.
Кино ойлиги давомида Алишер Навоий, Бобур, Огаҳий, Чўлпон, Абдулла Қодирий ва бошқа адиблар ҳақидаги ҳужжатли фильмлар намойиш қилинди.
