Журналистлар ўртасида ўтказилган сўровномага кўра, “Насаф” клуби бош мураббийи Рўзиқул Бердиев “Йилнинг энг яхши мураббийи” совринига муносиб деб топилди. Бу ҳақда Ўзбекистон футбол ассоциацияси матбуот хизмати хабар берди.
Рўзиқул Бердиевдан ташқари, "Сўғдиёна" бош мураббийи Улуғбек Бақоев ва "Олимпик" устози Тимур Кападзе номзодлари ўрин олишган эди. Якунда эса Бердиев муносиб деб топилди.
"Насаф" Бердиев қўл остида мавсумни 3-ўринда тугатди. Қолаверса, Ўзбекистон кубоги соҳибига айланди.
