"Барселона"нинг икки футболчиси коронавирусга чалинди

Испаниянинг "Барселона" ҳимоячилари Дани Алвес ва Клемен Лангле коронавирусга чалинди. Бу ҳақда клуб расмий сайти хабар берди. 

Қайд этилишича, футболчилар уйда изоляция қилинган. Ҳозирда иккиси ҳам ўзини яхши ҳис қилаётгани айтилмоқда. 

"Барселона" ўзининг навбатдаги учрашувини 2 январь куни ўтказади. Бу сафар клуб "Мальорка"га қарши майдонга тушади.