Канада Соғлиқни сақлаш вазирлиги хабарига кўра, мамлакатда коронавирус юқтирганларнинг сони кундан-кунга ошиб бормоқда. Жумладан, сўнгги бир сутка ичида антирекорд қайд этилиб, 21000 нафар инсон касалланган. Бу ҳақда ТАСС хабар берди.
Айтиш керак, мамлакатда коронавируснинг “омикрон” штамп тез тарқалмоқда. Бугунги кунда Канада касалланганларнинг умумий сони 168 минг нафарни ташкил этмоқда. Шу сабабли ҳукумат карантин чекловларини сезиларли даражада кучайтирмоқда. Хусусан, ресторан, спорт заллари, маданият ва кўнгилочар муассасалардаги фаолияти чекланмоқда. Аксар компанияларнинг ходимлари масофадан ишлашга ўтди. Ҳукумат ишини йўқотган қатламга молиявий ёрдам бўйича иш олиб бормоқда.
