Туркия президенти Ражаб Тоййиб Эрдўғон ҳукумат томонидан иқтисодиётда ишлаб чиқилган воситалар мамлакатни иқтисодий жиҳатдан қутқарганини айтди, унинг сўзларига кўра, Анқаранинг мақсади дунёнинг кучли иқтисодлари 10 талигига кириш. Бу ҳақда Риа хабар берди.
"Иқтисодиётда босиб ўтган йўлимиз ва ишлаб чиққан воситаларимиз ёрдамида биз мамлакатимизни ўтмишда тушиб қолган аёвсиз доирадан қутқардик. У тиқилиб қолган беқарорлик ғилдираклари остидан ва ишончсизлик механизмидан чиқариб ташланди. ... Бизнинг йўл – сармоя, бандлик, ишлаб чиқариш, экспорт ва ўсиш. Мақсадимиз дунёнинг энг кучли 10 та иқтисодига киришдир”, деди Туркия раҳбари сешанба куни Туркия Илмий ва технологик тадқиқот кенгаши (ТÜБİТАК) ва Туркия Фанлар академияси (ТÜБА) илмий мукофотларини топшириш маросимида.
Туркия молия тизими ўтган йил давомида лиранинг қадрсизланиши туфайли оғир кунларни бошдан кечирмоқда. Турк лираси Марказий банкнинг ҳисоб ставкасини кетма-кет бир неча марта пасайтирганидан сўнг кескин қадрсизланди: 20 декабрь куни доллар курси рекорд даражадаги 18,4 лирага етган бўлса, январ ойида 7,4 лира эди. Эрдўғаннинг валюта курсининг ўзгарувчанлигига қарши курашиш бўйича янги чора-тадбирлар тўғрисидаги баёнотларидан сўнг, турк валютасининг пасайиши сезиларли ўсиш билан алмаштирилди, натижада лира сўнгги ҳафталардаги йўқотишларни қоплади: сешанба куни доллар савдоси давом этди. Бир доллар тахминан 11,8 лирага тенг бўлди.
