Sevimli

Туркиялик телепродюсер Ўзбекистон зиёрат туризми тарғиботига бағишланган кўрсатув суратга олмоқда

МАДАНИЯТ 06.01.2022, 12:22
Туркиялик телепродюсер Ўзбекистон зиёрат туризми тарғиботига бағишланган кўрсатув суратга олмоқда

Туркиянинг ТРТ телеканали продюсери, зиёрат туризми бўйича машҳур блогер Сердар Тунжер бошчилигидаги тарғибот гуруҳи томонидан “Олтин силсила ҳалқаси бўйлаб" кўрсатуви суратга олинмоқда. Бу ҳақда Туризм ва спорт вазирлиги Матбуот хизмати хабар қилди. 

Бу борада Туризм ва спорт вазирлиги зиёрат туризми департаменти, Туризм ва спорт йўналиши мутасаддилари ҳамда соҳа мутахассислари иштирокида Ўзбекистонга ташриф буюрган мазкур гуруҳ билан учрашув ташкил этилди.

Тадбирда продюсер Сердар Тунжер ўзининг 10 кунлик дастурини Сурхондарё вилоятидаги Алауддин Аттор зиёратгоҳидан бошлаб, кейинчалик Самарқанд вилоятида Имом ал-Бухорий, Имом ал-Мотуридий, Хўжа Аҳрори Валий, Бухородаги Саид Амир Кулол, Баҳоуддин Нақшбанд мажмуаларидан онлайн трансляцияларни шахсий YouTube канали орқали давом эттираётганлиги ҳақида маълум қилди.

"Ушбу лойиҳамизни ўтган йилнинг охирида Тожикистондаги Ёқуб Чархий зиёратгоҳидан бошлаб, бугунга қадар мамлакатингизнинг кўплаб зиёрат масканларида бўлдик. Ўзбекистон ҳақида гапирар эканман, бу ерда ҳам саёҳат ҳам зиёрат қилиш учун барча имкониятлар мавжуд. Дунёнинг энг гўзал масканларида жонингиз роҳатланиши мумкин, бироқ руҳингиз ором олиши учун биргина Бухорога ташриф буюрсангиз бўлгани",-деди Сердар Тунжер ўз интервюсида.

Бундан асосий мақсад “Олтин силсила ҳалқаси”даги муборак зотлар зиёратгоҳларининг туристик салоҳияти, уларнинг илмий мероси, жаҳон тамаддунида тутган беқиёс ўрни тўғрисида Туркия телеканалларида тарғиб қилишдан иборат. Хусусан, бу борада хорижий мамлакатлардан зиёратчиларни жалб этиш ва мазкур йўналиш ривожлантириш доирасида ўзаро ҳамкорликни янада кенгайтириш зарурлигини алоҳида таъкидланди.

Шунингдек, Ўзбекистон вакиллари томонидан ҳам қатор лойиҳалар, хусусан, туркиялик имомларни Бухорога таклиф қилиш орқали зиёрат туризми тарғиботини кучайтириш, Самарқанд ҳақида видео материаллар тайёрлаш ҳамда Сурхондарё, Қашқадарё вилоятлари ва Тошкент шаҳри ҳақидаги қизиқарли видеоматериаллар орқали зиёратчи сайёҳлар оқимини кўпайтириш каби масалалар муҳокама қилинди.

Яқин кунларда Туркиялик телепродюсер томонидан тайёрланган мазкур йирик шаҳарлардаги зиёратгоҳлар ҳақидаги туркум кўрсатувлар рамазон ойида Туркиянинг  ТРТ телеканали орқали дунёнинг 128 давлатига намойиш этилиши режалаштирилган.

Эслатиб ўтамиз, аввлроқ,  Ўзбекистонда зиёрат туризмини ривожлантириш борасида самарали ҳамкорлик қилиб келаётган Сердар Тунжер Бухоро вилоятининг Туркиядаги “Туризм элчиси” этиб тайинлангани хабар қилинган. 

Шарҳлар

Кун мавзуси: коронавирус
Об-ҳаво: Тошкент
+27.97° очиқ ҳаво
Валюта курси
10880.29
USD 4.92
11140.33
EUR 60.5
180.66
RUB -0.82
1