Халқ таълими вазирлигининг хабар беришича, Райҳон Ҳафизова Вобкент туманидаги 10-умумтаълим мактабининг 10-синфида таҳсил олади.
Таъкидланишича, ёшларга берилаётган имкониятлардан унумли фойдаланаётган иқтидорли йигит-қизлар қаторида Райҳон ҳам ҳар бир дақиқасини унумли сарфлаб, илм-фан сирларини чуқур ўзлаштиришга, чет тилларини мукаммал ўрганишга интиляпти.
Ана шу интилишлари натижаси ўлароқ у яқинда инглиз тилини билиш даражасини аниқловчи имтиҳонда 8 балли натижани қайд этиб, IELTS сертификатини қўлга киритган.
Райҳоннинг келажакдаги мақсади – дунёнинг энг нуфузли олийгоҳларида таълим олиб, мамлакатимиз тараққиётига муносиб ҳисса қўшишдир.
