Sevimli

Тожикистонда "Жомий ва Навоий" бадиий фильми сценарийсини яратиш устида иш олиб борилмоқда

МАДАНИЯТ 07.01.2022, 16:28
Тожикистонда "Жомий ва Навоий" бадиий фильми сценарийсини яратиш устида иш олиб борилмоқда

Ўзбекистон ва Тожикистон киноижодкорлари ҳамкорлигида суратга олиниши кўзда тутилган “Жомий ва Навоий” кинолойиҳаси устидаги ишлар давом этмоқда. Айни пайтда кинорежиссерлар Фурқат Усмонов, Шоҳрух Расулов, сценарийнавис Рустам Жабборов Тожикистон Республикасида фильм сценарийсини яратиш устида тожикистонлик ҳамкорлар билан иш олиб боришмоқда.  

Аввал хабар қилинганидек, Ўзбекистон Республикаси Президентининг 2021 йил 10-11 июнь кунлари Тожикистон Республикаси қилган расмий ташрифи Шавкат Мирзиёев томонидан ўзбек ва тожик халқларининг буюк мутафаккирлари – Алишер Навоий ва Абдураҳмон Жомий ҳаёти ва дўстлиги ҳақида фильм суратга олиш таклифи билдирилган, бу таклиф ўз навбатида Тожикистон Президенти Эмомали Раҳмон томонидан қўллаб-қувватланган эди.  

Ўтган вақт мобайнида ана шу ташаббусни амалга ошриш мақсадида икки давлат киноижодкорлари ва олимлари иштирокида Тошкент ва Душанбеда бир неча бор музокаралар ўтказилди.  

2021 йил 28 сентябрь-3 октябрь кунлари ўтказилган “Ипак йўли дурдонаси” Тошкент халқаро кинофестивали доирасида ана шу фильмни ҳамкорликда сурага олиш юзасидан Ўзбекистон Республикаси кинематография агентлиги бош директори Фирдавс Абдухолиқов ва “Тожикфильм” давлат муассасаси бош директори Маҳмасаид Шоҳиён томонидан меморандум имзоланди.  

2021 йилнинг 25-25 декабрь кунлари тожикистонлик киноижодкорлар Тошкентга ташриф буюриб, фильм концепцияси ва синопсиси бўйича ҳамкорликда ишлашган эди. 5 январь куни ушбу кинолойиҳанинг ўзбекистонлик иштирокчилари Тожикистонга етиб келишди.  

Дастлаб, киноижодкорлар локациялар учун маълумот тўплаш мақсадида Душанбе шаҳридаги Мавлоно Яъқуб Чархий мақбараси, Ҳисор шаҳридаги тарихий қалъа, карвонсарой ва мадраса, Бухоро амирлиги қароргоҳи сингари тарихий обидаларни томоша қилишди.  

“Тожикфильм” давлат муассасасида ўзбекистонлик ва тожикистонлик киноижодкорлар ўртасида мулоқот ўтказилди.  

Унда “Тожикфиьлм” ДМ раиси  М.Шоҳиён, раис ўринбосари Т.Ғайбуллозода, Ўзбекистон Кинематография агентлиги Ҳужжатли ва хроникал фильмлар студияси директори Ф.Усмонов, Агентлик Бадиий кенгаши аъзоси Р.Жабборов сўнгги   йилларда икки мамлакат ўртасидаги маданий алоқалар, хусусан кинематографияни ривожлантириш борасидаги ҳамкорлик ривожланаётгани, “Жомий ва Навоий” бадиий фильмини яратиш зарурати, мазкур кинолойиҳанинг муҳим жиҳатлари хусусида сўз юритдилар.

Шундан сўнг мазкур кинолойиҳага жалб қилиб ўзбек ва тожик киноижодкорлари Душанбе шаҳридан 60 километр масофадаги “Хўжа Обигарм” дам олиш масканига  жўнаб кетишди. Бу ерда улар бир неча кун давомида “Жомий ва Навоий” бадиий фильмининг сценарийси устидаги ишларни давом эттиришади. Мазкур кинолойиҳага ҳозирча сценарий ҳаммуаллифи сифатида Тожикистон Киноижодкорлар уюшмаси раиси Сафар Ҳақдодов, режиссёр Файзулло Файзов жалб қилинган.

 

Шарҳлар

Кун мавзуси: коронавирус
Об-ҳаво: Тошкент
+23.97° очиқ ҳаво
Валюта курси
10875.37
USD -10.63
11079.83
EUR -54.37
181.48
RUB 1.02
1