АОКАда ўтказилган матбуот анжуманида иштирок этган Санитария-эпидемиологик осойишталик ва жамоат саломатлиги хизмати бошлиғининг биринчи ўринбосари Холмамат Норбоевнинг маълум қилишича, Ўзбекистонда қатъий карантин чекловлари бўлиши режалаштирилмаяпти.
"Чекловлар киритилишининг олдини олиш учун ҳам эмланишимиз керак", — деди Холмамат Норбоев.
«Бир нарсани яхши тушуниш керак, вакцина "Omicron"дан ҳимоя қилмайди. Эмланган одамда касаллик енгилроқ ўтади, холос. Биз уни юқтирмаслик учун жамоатчилик йиғилган жойлардаги муносабатларни камайтиришимиз ва гигиенага қаттиқ эътиборли бўлишимиз керак», — дея қўшимча қилди Соғлиқни сақлаш вазири ўринбосари Элмира Боситхонова.
