"Манчестер Юнайтед" ҳужумчиси Криштиану Роналду тез орада жамоасини алмаштириши мумкин. Бу ҳақда Sport.es хабар берди.
Қайд этилишича, португалиялик футболчи "Манчестер Юнайтед"даги муҳитдан қониқиш ҳосил қилмаяпти ва агенти Жорже Мендешга янги жамоа топишини айтган. Ўз навбатида Мендеш "Барселона" президенти Жоан Лапорта билан алоқалари яхши ва мижозини каталонияликларга таклиф қилиши эҳтимоли бор.
Бундан ташқари, "Барселона" ҳам қишки трансфер вақтида таркибга ҳужумчи таклиф қилишни режалаштирган.
Маълумот учун, Роналду АПЛ жорий мавсумида 16 ўйинда 8та гол ва 3та ассистга муаллифлик қилган.
