"Барселона" ҳимоячиси Херард Пике Испания Суперкубоги ярим финалида "Реал"дан учралган мағлубиятга изоҳ берди.
"Назаримда, биз яхши ўйнадик, аммо ғалабани қўлга кирита олмадик. Албатта, биз кутган натижа эмас. "Реал"га ютқазиш оғриқли, аммо ўйин кўрсатдики, биз ғалабага яқин келдик.
Ўйин мобайнида кўп маротаба таваккал қилган ҳолда ҳужумга ўтдик. "Реал" тўпни эгаллаб, қарши ҳужумларда кўпчилик бўлган ҳолда гол уриб кетишди. Мағлубиятга учраган бўлсак-да, бошни тик тутган ҳолда майдонни тарк этишга сабаб бўладиган ўйинни намойиш этдик.
Таркибга қайтган барча футболчилар аъло даражада тўп сурди", - дея Пике сўзларидан келтирмоқда Marca.
