Кеча тунда Тошкентда 14 январь муносабати билан олиб чиқилган ҳарбий техникалардан бири ёниб кетди. Ижтимоий тармоқларда бу билан боғлиқ видеотасвирлар тарқалди.
Миллий Гвардия ахборот хизмати раҳбари ҳолат юзасидан муносабат билдирди.
Қайд этилишича, кеча соат 22:20 ларда Халқлар дўстлиги санъат саройи майдонига 14 январь – Ватан ҳимоячилари куни муносабати билан ҳарбий техникалар кўргазмасига олиб чиқилган Миллий гвардиянинг енгил зирҳли техникасининг салон қисмида ёнғин юз берган. Бунга қисқа туташув сабаб бўлгани айтилмоқда.
Маълум қилинишича, ёнғин қисқа вақтда тўлиқ бартараф этилган. Содир бўлган ҳодиса натижасида фуқароларга жабр етказилмаган.
