Термизда волейбол бўйича 2004-йил ва ундан кичик ёшдаги қизлар ўртасида Республика турнирига старт берилди. Мусобақа Термиз давлат техника университети спорт мажмуасида бўлиб ўтмоқда.
Унда Қорақалпоғистон Республикаси, Наманган, Андижон, Фарғона, Хоразм, Қашқадарё ҳамда Сурхондарё вилояти (2та жамоа) вакилалари ғолиблик учун баҳсларга киришди.
Қуръа натижасига кўра жамоалар икки гуруҳга тақсимланишди:
“А” гуруҳи: Хоразм, Қашқадарё, Андижон, Сурхондарё-1.
“Б” гуруҳи: Қорақалпоғистон Республикаси, Наманган, Фарғона, Сурхондарё-2.
Бугун мусобақанинг очилиш маросими ўтказилиб, ўйинларга старт берилди.
Мусобақа жорий йил июн ойида Тошкент шаҳрида илк бор ўтказиладиган қизлар ўртасида У-17 Осиё чемпионати учун терма жамоага муносиб номзодларни саралашга хизмат қилади.
