Шимолий Кореялик хакерлар 2021 йилда қарийб 400 миллион долларлик криптовалюталарни ўғирлади. Бу ҳақда Чаиналйсис тадқиқот фирмаси ҳисоботига таяниб Блоомберг хабар берди.
Маълум қилинишича, хакерлар криптовалюта платформаларига камида еттита киберҳужум уюштирган. Ҳужумлар биринчи навбатда инвестиция фирмалари ва марказлашган биржаларга қаратилган.
Жиноятчилар фишинг сайтлари, эксплоитлар (тизимлардаги заифликларни қидирадиган дастурлар), шунингдек, илғор ижтимоий муҳандисликдан фойдаланган.
Қайд этилишича, биткоиннинг ўғирланган активлардаги улуши 20 фоизни ташкил этган. Аксарияти (58 фоизи) эфириумга, яна 22 фоиз — бошқа алткоинлар ва ЭРC-20 токенларига тўғри келган. Жами ўғирланган криптовалюта миқдори 2020-йилга нисбатан 40 фоизга кўпдир.
Ҳисоботга кўра, ўғирланган маблағлар мамлакат ялпи ички маҳсулотининг деярли 1,5 фоизини ва йиллик ҳарбий бюджетнинг қарийб 10 фоизини ташкил қилади.
