Дунёдаги энг кекса эркак, испаниялик Сатурнино де ла Фуенте Гарсия 112 ёшида вафот этди. Бу ҳақда Гиннеснинг рекордлар китоби хабар бермоқда.
"Гиннеснинг рекордлар китоби Сатурнино де ла Фуенте Гарсия ўз хонадонида 112 йил-у 341 кунлик ёшида вафот этганидан чуқур қайғуда эканини маълум қилади", - дейилади хабарда.
Гарсиянинг нима сабабдан вафот этгани очиқланмаган.
У 2021 йил сентябрь ойида 112 ёш-у 211 кунлигида Гиннес рекордларида дунёнинг энг кекса эркак дея эълон қилинганди.
