Дубайда йиғинда бўлиб турган Ўзбекистон миллий жамоаси ва “Пахтакор” футболчиси Достонбек Ҳамдамов бир неча кун давомида терма машғулотларида қатнаша олмайди. Бу ҳақда Ўзбекистон футбол ассоциацияси хабар бермоқда.
Гап шундаки, футболчимиз ижара асосда Қатарнинг “Ал-Саилия” клубига ўтмоқда. Ҳамдамов ҳужжатларни расмийлаштириш учун Доҳага йўл олди. 22-январ куни Қатар чемпионатида “Ал-Саилия” навбатдаги учрашувини ўтказади ва Достонбек ушбу ўйиндан сўнг миллий жамоа йиғинига қайтиши мумкин бўлади.
