Японияда коронавируснинг янги "омикрон" штамми тарқалиши ва касаллик сони ортиши оқибатида Токиода карантин чекловлари ўрнатилмоқда. Бу ҳақда euronews хабар тарқатмоқда.
Қайд этилишича, шаҳардаги ресторан ва барлар маълум муддат иш вақтини қисқартиришади. Кечки вақтда ишлашни тўхтатишади.
Бу каби чора-тадбирлар мамлакатнинг бошқа ҳудудларида ҳам эълон қилиниши кутилмоқда. Расмийлар хабар беришича, чекловлар февраль ойининг охирига қадар амал қилиниши мумкин.
Маҳаллий аҳоли эса коронавирусга қарши ўрнатилаётган чора-тадбирлардан норозилик билдирмоқда.
