Маълумот учун, саёҳат учун энг яхши масканлар қаторида яна Сальвадор, Туркия, Испания ва Италия каби мамлакатлар бор.
"Ўзбекистоннинг ажойиб инфратузилмаси сизга мамлакат пойтахти Тошкентдан Самарқанд, Бухоро ва Хивага – Буюк Ипак йўлидаги тўхташ жойларига – бемалол саёҳат қилишингизга имкон беради. Шаҳарлар тезюрар поездлар билан яхши боғланган",-дейди нашр ҳабарда.
Шунингдек, унда Хивадаги Ичан қалъа биринчи бўлиб маданий обидалар рўйхатига киритилгани ҳам таъкидлаб ўтилган.
"Шу жумладан, саёҳат давомида Бухоронинг кўплаб безакли қадимий мадрасаларини(мактабларини) ўтказиб юборманг, Бухоро Аркига гувоҳ бўлинг ва савдо гумбазларидан эсдалик совғалари харид қилишни унутманг",-дейилади.
Нашр Самарқанднинг нафис Регистонини ҳам унутмаган. Майдон кишини ҳайратга солишини таъкидлаган.
Таомларга ҳам тўхталиб ўтилиб, Тошкентда қўзичоқ гўшти ва майдаланган сабзи қўшилган, мамлакатнинг анъанавий таоми бўлган паловни истеъмол қилинг, дея тавсиялар бериб ўтилган.
