Покистон шимоли-ғарбида, Хайбер-Пахтунхва провинциясида кучли ёғингарчилик ортидан ҳосил бўлган сел оқибатида камида 7 киши ҳалок бўлди. Бу ҳақда Sinhua агентлиги хабар бермоқда.
Қайд этилишича сел туфайли кўплаб уйлар вайрон бўлган, қисман зарар кўрган уйлар ҳам борлиги айтилмоқда.
Табиий офат оқибатларини бартараф этиш бошқармасига берган маълумотга кўра, вайрон бўлган уйлар орасида қидирув ишлари давом этмоқда. Қурбонлар сони ошиши мумкин.
