Ижтимоий тармоқларда тиббиёт ходимларининг турли ассоциация ва нашрларга ўз ойлик маошидан маблағ ўтказишга розилиги ҳақида ёзган аризалари тарқалганди.
Cоғлиқни сақлаш вазирлиги айни пайтда мазкур ҳолатлар ўрганилаётганини, масъулларга нисбатан тегишли жазо чоралари кўрилаётганини маълум қилди.
"Тиббиёт соҳасида фаолият юритаётган ҳар бир ходимнинг меҳнат қонунчилиги талаблари бузилишига, шифокор ва ҳамшираларнинг иш ҳақидан асоссиз ва “ихтиёрий” тарзда турли ушланмалар олиб қолинишига йўл қўйилмайди",-дейилади вазирлик хабарида.
Шунингдек, мажбурий меҳнатга жалб қилиниш ёки иш ҳақидан ноқонуний ушлаб қолишга топшириқ берилса, вазирликнинг 71-241-16-40 телефон рақамига қўрқмай мурожаат қилиш сўралмоқда.
