Ҳиндистоннинг Махараштра штатида автомобил кўприкдан қулаши оқибатида етти нафар талаба ҳалок бўлди. Бу ҳақда NDTV хабар бермоқда.
Маълум қилинишича, ҳалок бўлганлар маҳаллий тиббиёт коллежи талабалари, жумладан, вилоят парламенти депутатининг ўғли.
Ҳодиса штат шарқидаги Селсура шаҳри яқинида юз берган. Дастлабки маълумотларга кўра, машинани бошқараётган ўқувчилардан бири бошқарувни йўқотган. Машина катта баландликдан дарёга қулаб тушган.
Вафот этганларнинг жасадларини олиб чиқиш учун уч соатдан кўпроқ вақт кетди. Ҳиндистон Бош вазири Нарендра Моди сешанба куни ёшларнинг ўлими муносабати билан ҳамдардлик билдирди.
