"Челси" собиқ бош мураббийи Фрэнк Лэмпард "Эвертон"да расман иш бошлади. Бу ҳақда клуб расмиф сайти хабар бермоқда.
Маълум қилинишича, Лэмпард "Эвертон" билан 2024 йилгача шартнома имзолаган. Клубнинг эронлик хўжайини Фарҳод Моширининг шахсан ўзи Фрэнкни оммага таништирган.
Лэмпард яқинда истеъфога чиқарилган Рафаэль Бенитеснинг ўрнини эгаллади.
Маълумот учун, "Эвертон" АПЛда 20 ўйиндан кейин 19 очко билан турнир жадвалида 16-ўринни эгаллаб турибди.
