"Uzbekistan Airports" хабар беришича, Санкт-Петербург—Самарқанд йўналишида рейсини амалга ошираётган "Аэрофлот" компанияси самолёти Қозоғистонда фавқулодда қўнишни амалга оширган.
Самолёт бортида 56 нафар йўловчи бўлган. Фавқулодда қўнишга ўзбекистонлик йўловчининг тез тиббий ёрдамга муҳтож бўлгани сабаб бўлган. Шу сабабли экипаж самолётни маҳаллий вақт билан соат 10:56 да Қизилўрда аэропортига қўндиришга қарор қилган.
Самолёт аэропортга қўнгач, йўловчи тез ёрдам машинасида олиб кетилган ва тиббий муассасага ётқизилган. "Аэрофлот" самолёти Тошкент вақти билан соат 12:20 да Самарқанд аэропортига етиб келган.
