Бугун Тошкент метросининг "Мустақиллик майдони" бекатида поезд вагони тўхтаб қолгани акс этган видео тарқалди.
"Тошкент метрополитени" юзага келган ҳолат юзасидан маълумот берди.
Қайд этилишича, вазият ҳаракат хавфсизлигини таъминлаш вақти, 2-сонли йўналишдаги ҳаракат таркибининг техник мосламалари машинист томонидан қайта кўрикдан ўтказилгани боис юз берган. Шу сабаб ушбу поезд ҳаракати 2 дақиқага кечиккани айтилади.
"Қиска муддатли техник кўрикдан сўнг йўловчилар ушбу поездда доимгидек ҳаракатланишган",-дейилади хабарда.
