Мадагаскарда "Батсирай" тропик циклони оқибатида камида олти киши ҳалок бўлди. Оролнинг 48 минг аҳолиси ўз уйларини ташлаб, махсус яратилган бошпаналарда паноҳ топишга мажбур бўлган. Бу ҳақда "Euronews" ёзмоқда.
Қайд этилишича, Ҳинд океанидаги циклоннинг бошланишида оролнинг марказий қисмида шамол тезлиги соатига 240 км га етган.
Циклон кучли ёмғир келтиргани айтилади. Бу эса Мадагаскар шарқида сув тошқинлари ва кўчкиларга олиб келган. Бир қанча аҳоли пунктлари бутунлай вайрон бўлиб, инфратузилмага катта зарар етган.
Бу йил бошидан бери келган иккинчи зарба, дея таъкидланади.
Эслатиб ўтамиз, биргина январь ойида Мадагаскарда 58 киши тропик бўрон қурбони бўлди.
