Олий Мажлис Қонунчилик палатасининг депутати Расул Кушербаевнинг хабар беришича, айни вақтда “UzAuto Motors” АЖ томонидан ишлаб чиқарилаётган автомобилларни етказиб беришда шартнома шартлари бўйича олдиндан тўлов миқдорини пасайтириш бўйича таклифлар ишлаб чиқилаяпти. Ушбу таклифларни Ҳукуматга киритиш режалаштирилган.
Шу муносабат билан депутат фуқаролардан 2005-2011 йилларда “UzAuto Motors" ("GM Uzbekistan" АЖ) томонидан енгил автомобил етказиб бериш бўйича шартнома тузганлар бўлса, ўша шартнома нусхаларини "@Kusherbayevga_murojaatbot" бот манзилига юборишда ёрдам кўрсатишни сўрамоқда.
" Маълумотлардан фуқаронинг шахси эгасизлантирилган ҳолда таклифларни асослашда фойдаланилади.
Монополияни жиловлаш қийин бир вазиятда эзгу мақсад йўлида кўрсатаётган ҳамкорлигингиз учун олдиндан раҳмат!, " - дейди Р.Кушербаев.
