Самарқанд ва Қашқадарё вилоятларини боғловчи "Тахтақорача" довонида қор ёғмоқда. Бу ҳақда Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати хабар бермоқда.
Шунингдек, "Қамчиқ" довонидан ўтган A-373 автомобиль йўлининг 224-240 километрлари оралиғида ҳам майдалаб қор ёғмоқда.
"Ҳайдовчилардан қоидаларга риоя қилиб, оралиқ масофани сақлаган ҳолда, тезликни меъёрдан оширмасдан ҳаракатланишларини сўраймиз", - дейилади хабарда.
