АҚШ Миллий антидопинг агентлиги (USADA) оғир атлетика бўйича АҚШ терма жамоаси аъзоси Иан Уилсонни уч йилга дисквалификация қилгани ҳақида хабар берди.
27-ёшли спортчи 2021 йил 2 декабрь куни ижобий допинг-тест топширган. Унинг мусобақадан ташқари даврда олинган допинг-синамасида “станозолол” ва “дростанолон” тақиқланган моддалари аниқланган.
Лекин допинг натижалари чиққанга қадар у Тошкентда бўлиб ўтган 2021 йил Жаҳон чемпионатида иштирок этишга улгурган ҳамда бешинчи ўринни эгаллаганига қарамай, Уилсоннинг бу натижаси бекор қилинди.
