Самарқанд вилоятига етиб келган президент Шавкат Мирзиёев ташрифининг илк манзили янги бунёд этилаётган Самарқанд халқаро аэропорти бўлди. Бу ҳақда "Даракчи" мухбири Сардорбек Раҳмонқулов хабар бермоқда.
Давлат раҳбари Самарқанд халқаро аэропортининг учиш/қўниш терминаллари ва йўловчиларга яратилаётган шароитлар билан танишди.
Маълумот ўрнида, Самарқанд халқаро аэропортининг янги терминалини барпо этиш бўйича лойиҳа қиймати: 82,8 млн. долларни ташкил этади. Қурилиш ишлари 2020 йил март ойида бошланган бўлиб, жорий йилнинг мартида якунланиши режалаштирилмоқда. Янги терминал биносининг узунлиги 175 метр, кенглиги 80 метр, баландлиги эса 25 метр.
Ҳозирги кунда бинога ташқи ва ички пардоз бериш ишлари, бино олди йўлларига алфальт-бетон ётқизиш, автотураргоҳ ва бино атрофини ёритиш тизимларини ўрнатиш ишлари олиб борилмокда.
Давлат раҳбарининг навбатдаги манзиллари ҳақидаги маълумотлар билан биринчилардан бўлиб бироздан сўнг таништирамиз.
"darakchi.uz"ни кузатиб боринг.
