Бирлашган Миллатлар Ташкилоти (БМТ) матбуот котиби Стефан Дюжаррик Яманда жаҳон ташкилотининг беш ходими ўғирлаб кетилгани ҳақидаги хабарларни тасдиқлади. Бу ҳақда "Интерфакс" хабар бермоқда.
“Биз бу ҳолатдан хабардормиз, аммо маълум сабабларга кўра изоҳ бермоқчи эмасмиз”, деган у.
Аввалроқ ОАВ Яман расмийларига таяниб, “Ал-Қоида” билан алоқадаликда гумон қилинган жангарилар Яман жанубида БМТнинг беш нафар ходимини ўғирлаб кетгани ҳақида хабар берган эди.
Улар жума куни кечқурун Абьян вилоятида қўлга олиниб, номаълум томонга олиб кетилган. Ўғирлаб кетилганлар орасида тўрт яманлик ва бир хорижлик бор.
Бирлашган Миллатлар Ташкилотининг Ямандаги гуманитар координатори матбуот котиби Рассел Гики “Бирлашган Миллатлар Ташкилоти уларни озод қилиш учун расмийлар билан яқин алоқада”, - деди у.
