Ўзбекистон гидрометеорология хизмати маркази 22 февралга об-ҳаво башоратини эълон қилди.
Унга кўра, бугун кундуз куни Ўзбекистонда ёғингарчилик кутилмайди, фақат Сурхондарё вилоятида баъзи жойларда ёмғир ёғади, куннинг иккинчи ярмида Самарқанд вилоятида баъзи жойларда бироз ёмғир ёғиши мумкин.
Шунингдек, шамол 7-12 м/с тезликда эсади. Ҳаво ҳарорати 13-18° илиқгача исийди.
Қайд этилишича, пойтахтда ҳаво кам булутли бўлади. Шамол 3-8 м/с тезликда эсади. Кундузи ҳаво ҳарорати 14-16° илиқгача исиши айтилади.
