Кинематография агентлиги "Ҳужжатли ва хроникал фильмлар киностудияси" томонидан “Янги Ўзбекистон киносолномаси” деб номланган ҳужжатли хроникал фильмлардан иборат ойлик киножурнал яратилмоқда. Бу ҳақда Кинематография агентлигининг Ахборот хизмати маълум қилди.
Хабарга кўра, мазкур киножурнал ҳужжатли фильмлар ишлаб чиқариш индустриясини такомиллаштириш мақсадида 13 дақиқадан иборат бўлиб, ҳар ойда тайёрланади.
Куни кеча, 21 февраль куни “Хроника” махсус гуруҳи томонидан Самарқанд шаҳридаги Халқаро туристик марказда журналнинг биринчи сонини суратга олиш ишлари бўлиб ўтди.
