Бугун, 23 февраль куни Абдулла Қодирий метро бекатида 65-сонли ҳаракат таркиби соат 13:55 да техник носозлик аниқлангани сабабли ушбу бекатда йўловчиларни туширган. Ҳолат юзасидан «Тошкент метрополитени» ДУК маълумот берди.
Хабарга кўра, воқеа юз бергандан сўнг Юнус Ражабий бекатида ҳаракатланаётган 62-сонли поезд ҳам йўловчиларни бекатда қолдириб, 65-маршрутни депо томон ҳаракатлантирган.
Шунингдек, соат 14:10 дан бошлаб поездлар қатнови доимий график асосида ўз иш фаолиятини давом эттирмоқда.
