Франциянинг "ПСЖ" клуби ҳужумчи Килиан Мбаппени ўз сафига сақлаб қолиш истагида бўлиб турибди. Бу ҳақда Marca хабар тарқатмоқда.
Қайд этилишича, жамоа Мбаппега узоқ муддатли шартнома ҳамда ойига солиқларсиз 1 миллион евро маош таклиф қилган. Бироқ футболчи парижликлар билан янги шартнома имзолашни истамаяпти.
Манбада айтилишича, Мбаппенинг орзуси "Реал"га йўл олиш. У "Реал"да кам маош олишига қарамай, фаолиятини Ла Лигада давом эттиришни истамоқда.
Ўз навбатида "Реал" ҳам футболчи атрофида юз бераётган воқеалларни диққат билан кузатмоқда ва уни ўз таркибига қўшиб олиш истагида бўлиб турибди.
