Кеча тунда АҚШ Президенти Байден Россиянинг Украинага асоссиз ҳужуми юзасидан баёнот берди.
"Россия ҳарбийлари Украина халқига провокациясиз, асоссиз ва заруратсиз шафқатсиз ҳужум бошлади. Бу олдиндан ўйланган ҳужум. Бу бир неча ой давомида режалаштирган эди. Россия 175 мингдан ортиқ аскар ва ҳарбий техникани Украина чегарасидаги позицияларга жойлаштирди",-дея таъкидлади сўзи аввалида Байден.
АҚШ раҳбари Путин қилинган барча ҳаракатларни писанд этмаганини қайд этди.
"У Америка Қўшма Штатлари, иттифоқчиларимиз ва ҳамкорларимиз ўзаро хавфсизлик муаммоларимизни мулоқот орқали ҳал қилиш учун кераксиз тўқнашувларнинг олдини олиш ва инсоният азоб-уқубатларининг олдини олишга қаратилган ҳар қандай яхши ниятли саъй-ҳаракатларини рад этди. Бир неча кун, ҳафталар давомида биз содир бўлиши мумкин бўлган бу уруш ҳақида огоҳлантирдик. Вазият энди тахмин қилганимиздек ривожланмоқда",-дейди у.
У шунингдек, ДХР ва ЛХРни мустақил республика деб тан олиниши бўйича фикрини ҳам айтиб ўтди.
"Биз Украинанинг суверен ҳудудида бир томонлама равишда иккита янги деб аталмиш республика яратишга уриниш халқаро ҳуқуқнинг қўпол равишда бузилишини кўрдик.
Шу боис Байден Россияга қарши бир қанча санкциялар эълон қилди:
"Бугун мен қўшимча кучли санкциялар ва Россияга экспорт қилиниши мумкин бўлган янги чекловларга рухсат бераман. Бу вақт ўтиши билан Россия иқтисодиётига жиддий зарар етказади".
"Биз ушбу санкцияларни Россияга узоқ муддатли таъсирни максимал даражада ошириш ва АҚШ ва иттифоқчиларимизга таъсирини минималлаштириш учун мақсадли ишлаб чиқдик",-дейди у қўшимча қилиб.
Байден урушни тўхтатиш йўлидаги бу ишларни бир ўзи эмас, бир қанча давлатлар билан амалга ошираётганини маълум қилди.
"Ва мен аниқ айтмоқчиман: Қўшма Штатлар буни ёлғиз ўзи қилмаяпти. Бир неча ой давомида биз глобал иқтисодиётнинг ярмидан кўпини ифодаловчи ҳамкорлар коалициясини қурмоқдамиз. Эвропа Иттифоқининг йигирма этти аъзоси, жумладан Франция, Германия, Италия, шунингдек, Буюк Британия, Канада, Япония, Австралия, Янги Зеландия ва бошқа кўплаб давлатлар - бизнинг жавобимизнинг биргаликдаги таъсирини кучайтириш учун ҳаракат қилмоқда",-дейди у.
Шунингдек, эндиликда Россия компанияларига доллар, евро ва иенада бизнес қилиш чекланади.
"Биз глобал иқтисодиётнинг бир қисми бўлиш учун Россиянинг доллар, эвро, фунт ва иенада бизнес юритиш имкониятини чеклаймиз. Биз Россия армиясини молиялаштириш ва ривожлантириш қобилиятини пасайтирмоқчимиз",-дейди Байден.
Қайд этилишча, шу вақтгача қўйилган чекловлар Россия рублига аллақачон таъир кўрсатиб улгурган. У тарихда ҳеч қачон юз бермаган ҳолатга, ўзининг энг заиф даражасига етган.
