Еврокомисия раҳбари Урсула фон дер Ляйен Euronews ходими бидан суҳбатда Россия—Украина ўртсидаги урушни тўхтатиш чоралари бўйича маълумот берган.
Унинг таъкидлашича, Украина ҳеч қачон бу урушни хоҳламаган. Президент Путин буни бошлади ва бошқармоқда, дея қайд этади Урсула .
"Шунинг учун биз қаттиқ молиявий ва иқтисодий санкциялар билан жавоб берамиз. Мен учинчи санкциялар пакетини ҳам таклиф қилдим - молиявийдан тортиб, масалан, баъзи Россия банкларини SWIFT тизимидан ўчириш, Россия Марказий банки активларини музлатишгача. Жисмоний шахслар ҳам жазо чораларига тортилади. Европа Иттифоқи бу можарода ҳужумга учраган Украинага илк бор ҳарбий техника етказиб бермоқда. Бугун биз яна иккита қадам ташламоқдамиз: биз ҳаво ҳудудимизни барча рус самолётлари учун ёпишга қарор қилдик ва Россиянинг бугунги куни ва Спутник'ни тақиқлашга қарор қилдик, чунки улар Кремлнинг ташвиқот машинасининг бир қисмидир",-дейди раҳбар.
Унга кўра, Беларусга қарши санкцияларни кенгайтирилиши кутилмоқда.
"Биз Беларусга қарши санкцияларни кенгайтирмоқдамиз. Аслида, бу Россияга қарши жорий қилган санкцияларимизнинг кўзгуси. Уларни четлаб ўтишнинг ҳеч қандай усули йўқлигига ишонч ҳосил қилишингиз керак",-дейди Еврокомисия раҳбари.
Урсула фон дер Ляйен суҳбат давомида Европа Иттифоқи Украина билан тўлиқ бирдам эканини билирган.
"Ҳа, биз биламизки, ҳар бир урушнинг баҳоси бор, лекин Украина билан бирдамлигимиз жуда катта. Европа Иттифоқига қабул қилинган қочқинларга, молиявий ёрдамга, ҳарбий техника етказиб беришга қарасангиз, буларнинг барчаси Украина билан чуқур бирдамликдан далолат беради. Бизнинг қадриятларимиз бу мамлакатда умумийдир, бизнинг тамойилларимиз у ерда ҳимояланган. Украиналиклар тинч демократик шароитда яшашни истайди, Россия эса унга ҳужум қилмоқда. Шунинг учун Украина бизнинг тўлиқ бирдамлигимизга лойиқ ва буни кўради",-дейди у.
Шунингдек, у Украинани ЕИга қўшилиши масаласига ҳам тўхталиб ўтган.
"Украина айрим Европа жараёнларида, масалан, Украина бозорини Европа Иттифоқи ягона бозорига интеграциялашувида иштирок этмоқда. Биз, масалан, энергетика соҳасида ва бошқа соҳаларда жуда яқин ҳамкорлик қиламиз. Вақт ўтиши билан Украина Европа Иттифоқига қўшилиши керак, бу мамлакат биздан бири ва биз уни Эвропа оиласида кўришни хоҳлаймиз"-дейди Урсула фон дер Ляйен.
