Германиянинг BMW автомобиль ишлаб чиқарувчиси Калининграддаги Автотор заводида автомобиллар ишлаб чиқаришни тўхтатмоқда. Бу ҳақда Риа Новости хабар бермоқда.
Қайд этилишича, компания нафақат ишлаб чиқаришни тўхтатади, шу билан биргаликда мамлакатга автомобиль етказиб беришни ҳам бекор қилади.
"Мавжуд геосиёсий вазият туфайли БМW гуруҳи Россия бозорига етказиб беришни, шунингдек, маҳаллий автомобилларни ишлаб чиқаришни тўхтатмоқда. Вазиятнинг ривожланишидан келиб чиққан ҳолда кейинги қарорлар қабул қилинади", - дейилади компания хабарида.
Шунингдек, компания ҳозирда эҳтиёт қисмларни чекланган етказиб бериш шароитида мижозлар олдидаги кафолат мажбуриятларини тўлиқ бажаришга имкон берадиган ечимлар устида ишлаётганини таъкидлади.
“Шунингдек, биз мижозларимиз автомобилларига БМW Group'нинг барча стандартларига мувофиқ хизмат кўрсатишни давом эттирамиз”, — дейилади компания берган хабарда.
Шу ҳафта Россияда Камаз билан қўшма корхонага эга бўлган Германиянинг Daimler Truck компанияси истеъфога чиқишини эълон қилди. Германиянинг Handelsblatt газетаси компания вакилларига таяниб таъкидлаганидек, деярли ўн икки йиллик ҳамкорликни тўхтатиш қарори Украинадаги вазият билан боғлиқ.
