Пентагон собиқ катта маслаҳатчиси Дуглас Макгрегор Fox News'га берган интервьюсида Россиянинг Украинадаги операцияси сабабларини маълум қилди. Унинг сўзларига кўра, Россия ва шахсан Путинни қоралашни тўхтатиш лозим. Бу ҳақда Замон хабар бермоқда.
"У (Путин) АҚШ кучлари ва ракеталарини ўз чегаралари яқинида жойлаштирилишига қараб турмаслигини айтганди. Биз ҳам Кубада рус қўшинлари ёки ракеталари жойлаштирилишига чидаб тура олмаймиз. Аммо инкор қилишда давом этдик ва у ниҳоят гапдан ишга ўтди. Путин Украинани ҳеч қандай шароитда НАТОга қўшилишига йўл қўймасди", — деган Макгрегор.
Шунингдек, собиқ ҳарбий низога аралашмаслик ва қурол жўнатишни тўхтатиш зарурлигини қайд этган. Макгрегорнинг сўзларига кўра, Вашингтон бир томондан қўшин жўнатмаслигини айтаётган бўлса, бошқа томондан украиналикларни шунчаки халок бўлишга чақирмоқда.
"Агар бу тўхтатилмаса, биз ҳозиргача мисли кўрилмаган гуманитар ҳалокатни вужудга келтирамиз", — деб огоҳлантирган собиқ ҳарбий.
