Ортда қолган Пекин-2022 Олимпия ва Паралимпия ўйинлари ташкилий қўмитаси ҳар икки мусобақа арафасида тадбирга алоқадор барчадан олинган коронавирус тестлари бўйича статистикани эълон қилди.
Унга кўра, жорий йилнинг 23 январь – 13 март саналари оралиғида 2 546 100 бора тест олинган ва уларнинг 463 таси ижобий натижа кўрсатган.
Буни 4-20 феврал кунлари ўтган Олимпия ўйинлари кесимида таҳлил қилинса, 1.9 миллион тест ва 437 та ижобий кўрсаткичга тўғри келади.
4-13 март саналарида ўтган Паралимпия ўйинларида тахминан 600 минг та тестнинг 26 тасидан ижобий жавоб олинган.
