“Ўзбекистон Республикасининг Фуқаролик кодексига қийноққа солишдан жабрланганларга етказилган зарарни қоплаш тартибини такомиллаштиришга қаратилган қўшимчалар киритиш тўғрисида”ги Ўзбекистон Республикасининг Қонуни қабул қилиняпти.
Ўзгаришга кўра, қийноққа солишдан жабрланганларга ижтимоий, ҳуқуқий, психологик ва тиббий ёрдам кўрсатилиши ҳамда уларга етказилган зарарнинг компенсация қилинишини таъминлаш, бунда қийноқдан жабрланган шахсларга етказилган жисмоний ва руҳий зарар, моддий зарар ёки бой берилган фойда, маънавий зарар, юридик ёрдам, дори воситалари ва тиббий хизмат, психологик ва ижтимоий хизматлар учун қилинган харажатлар тўлаб берилиши таъкидланди.
Ўзбекистон Республикаси Президенти 2021 йил 22 февраль куни БМТ Инсон ҳуқуқлари бўйича кенгаши 46-сессиясида миллий превентив механизмни такомиллаштириш БМТнинг Қийноқларга қарши конвенцияси Факультатив протоколининг Ўзбекистон томонидан ратификация қилиниши бу қонунга асос бўлган.
Танзила Норбоева:
"Қонун кичкина бўлгани билан унинг аҳамияти ниҳоятда катта.
Гап инсон ҳуқуқлари, унинг қадри ҳақида кетмоқда ва табиийки, бунда Қонуннинг заруратини ортиқча изоҳлашга хожат йўқ.
Қийноққа солиш деган иллат умуман кун тартибимиздан чиқиб кетиши керак. Мазкур Қонун шунга хизмат қилади".
