"Ливерпуль" бош мураббийи Юрген Клопп Англия Премьер-лигасининг қолдирилган ўйинида "Арсенал" устидан қозонилган ғалабадан кейин ўз фикрлари билан ўртоқлашди.
"Муҳим бўлган уч очкони қўлга киритдик. "Арсенал" майдонида ғалаба қозониш осон эмас. Биз буни уддаладик ва чемпионлик йўлидаги имкониятимизни яхшилаб олдик.
Танаффусдан кейин ўйин услубимизни яхшилашга эътибор қаратдик. Ҳимояни унутмаган ҳолда ўйнашга мажбур бўлдик.
Жамоа учун жуда хурсандман, вазиятимиздан қониқиш ҳосил қиляпман. Чемпионликга эришиш учун менталитетни сақлаб қолишимиз лозим. Бу осон кечмайди. Негаки, олдимизда жуда қийин ўйинлар кутмоқда. Биз барчасига тайёр бўлишимиз лозим", - дея Клопп сўзларидан келтирмоқда Liverpool Echo нашри.
