Жорий йилнинг 21 март куни соат 06:00дан 15:00 гача бўлган вақт оралиғида Умумхалқ "Навруз" байрами ўтказилиши муносабати билан, Беш ёғоч кўчаси ва Олмазор кўчаси қисман ёпилади. Бу ҳақда Тошкент шаҳар ИИББ хабар берди. Унга кўра:
- Беш ёғоч кўчаси Фурқат кўчасидан Афросиёб кўчасигача бўлган оралиқда;
- Олмазор кўчаси И.Каримов кўчасидан Беш ёғоч кўчасигача бўлган оралиқда транспорт воситаларининг ҳаракати вақтинча тўхтатилади.
Ушбу кўрсатилган вақт оралиғида фуқароларимиз айланма йўллардан фойдаланишлари мумкин.
