Ҳиндистоннинг Керала штатида футбол ўйини пайтида 8 минг кишилик трибуна қулаб тушди. Бу ҳақда «NDTV» хабар берди.
Маълум қилинишича, трибуна қулаши оқибатида 200 дан ортиқ одам жароҳат олган. Улардан беш нафари оғир яраланган. Тахминларга кўра, ҳодисага 3,5 минг томошабин учун мўлжалланган трибунага деярли 8 минг томошабин кўтарилгани сабаб бўлган. Оқибатда трибуна одамларни кўтара олмай, қулаб тушган.
Ҳуқуқ-тартибот идоралари маълумотларига кўра, ҳодиса 19 март куни маҳаллий вақт билан соат 21:00 да Малаппурам шаҳрида содир бўлган. Жароҳатланганлар касалхонага ётқизилган.
