"Реал" бош мураббийи Карло Анчелотти "Барселона"дан (0:4) учралган мағлубият ҳақида ўз фикрлари билан ўртоқлашди.
"Ўйинни яхши бошладик, лекин ҳисоб очилганидан сўнг назоратни қўлдан чиқардик. Рақиб бўш зоналар топиб, бизга етарлича муаммолар туғдирди. Улар устунлик қилди.
Айни вақтда чемпионатда устунлик бизнинг томонда. Биз энди дам олишимиз ҳамда кейинги ўйинларга тайёргарлик кўришимиз керак. Оғир мағлубиятни қабул қилиб олдик. Бу кучли зарба бўлди. Чунки "классико"да ютқазиб қўйдик.
Мағлубиятда барча айбни ўз бўйнимга оламан", - дея Анчелотти сўзларидан келтирмоқда Marca.
