27 ноябрь куни Швециянинг Эстерсунд шаҳрида старт олган биатлон мавсуми ўз ниҳоясига етди. Норвегиянинг Холменколлен шаҳрида ўтган босқичдан сўнг барча йўналишларда ғолиб ва совриндорлар аниқлаб олинди.
Эркаклар ўртасидаги умумий ҳисобда фантастик мавсум ўтказган франсиялик Кентен Фиён Мае, аёллар ўртасида эса норвегиялик Марту Олсбу Ройселанд катта Биллур глобусни қўлга киритишди.
Умуман, пойгалар давомида Кентен 10, Марте эса 8 бор шахсий стартда ғалаба қозонгани уларнинг Олимпия мавсумига қандай юқори спорт формасида тайёргарлик кўрганидан далолат беради. Пекинда ўтган Олимпиадада франсиялик биатлончи 2 та олтин ва 3 та кумуш, Олсбу 3 та олтин ва 2 та бронза медалларини қўлга киритди. Миллатлар кубоги ҳамда аралаш эстафета дастурларида Норвегия жамоасига тенг келадигани топилмади. Бошқа йўналишлардаги ғолиблар билан танишинг:
Умумий ҳисоб:
- Кентен Фиён Мае (Франсия) ва Марте Олсбу Ройселанд (Норвегия)
У-25:
- Стурла Холм Легрейд (Норвегия) ва Элвира Оберг (Швеция)
Индивидуал пойга:
- Тарей Бё (Норвегия) ва Маркета Давидова (Чехия)
Спринт:
- Кентен Фиён Мае (Франсия) ва Марте Олсбу Ройселанд (Норвегия)
Таъқиб пойгаси:
- Кентен Фиён Мае (Франсия) ва Марте Олсбу Ройселанд (Норвегия)
Масс-старт:
- Сиверт Баккен (Норвегия) ва Жустин Бриза-Буше (Франсия)
Эстафета:
- Норвегия ва Швеция
Миллатлар кубоги, аралаш эстафета: Норвегия
