Ўзбекистон Савдо-саноат палатасининг навбатдан ташқари Қурултойи бўлиб ўтди. Бу ҳақда палатанинг Матбуот хизмати хабар берди.
Унда ташкилий масала кўриб чиқилди.
Ўзбекистон Республикаси Президенти томонидан Савдо-саноат палатаси раиси лавозимига тақдим қилинган Ваҳабов Даврон Абдужалалович номзоди делегатлар томонидан ушбу лавозимга сайланди.
Маълумот ўрнида: Ўзбекистон Республикасининг “Ўзбекистон Республикаси Савдо-саноат палатаси тўғрисида”ги "Ўзбекистон Республикаси Қонунига ўзгартиш ва қўшимчалар киритиш ҳақида”ги Қонунининг 19-моддасида “Палата раиси Ўзбекистон Республикаси Президентининг тақдимномасига кўра Палата Қурултойи делегатлари томонидан лавозимга сайланади” деб белгилаб қўйилган.
Қурултой ишида республиканинг барча ҳудудларидан сайланган 298 нафар делегатлардан 285 нафари иштирок этган.