Sevimli

“Ўзбекистонда яҳудийлар ҳаёти: тарихий даврлар кесимида” мавзусида кўргазма ташкил этилди (фото)

МАДАНИЯТ 26.03.2022, 13:43
“Ўзбекистонда яҳудийлар ҳаёти: тарихий даврлар кесимида” мавзусида кўргазма ташкил этилди (фото)

Ўзбекистон билан Исроил Давлати ўртасида 1992 йилнинг 21 февралида дипломатик муносабатлар ўрнатилган бўлиб, ҳар икки давлатда элчихоналар ўз фаолиятларини олиб бормоқда. Сўнгги йилларда Ўзбекистон-Исроил муносабатларида фаол тенденция кузатилиб, серқирра ва истиқболли ўзаро ҳамкорлик кенгайиб бормоқда.

Икки томонлама дўстлик ва ҳамкорлик муносабатларини мустаҳкамлаш мақсадида Ўзбекистон Республикаси ва Исроил Давлати ўртасида дипломатик алоқалар ўрнатилганининг 30 йиллигини нишонлаш доирасида Ўзбекистон Республикасининг Исроил Давлатидаги Элчихонасининг ташаббусига кўра Ўзбекистон Республикаси “Ўзархив” агентлиги, Ўзбекистон тарихи Давлат музейи ва Ўзбекистон яҳудийлар миллий маданий маркази билан ҳамкорликда жорий йил 26-30 март кунлари Ўзбекистон тарихи Давлат музейида “Ўзбекистонда яҳудийлар ҳаёти: тарихий даврлар кесимида” мавзусидаги кўргазма ўтказилмоқда.

Кўргазмада “Ўзархив” агентлиги ва Ўзбекистон тарихи Давлат музейи томонидан 66 та кинофотофоно ҳужжатлари ва материаллари, шунингдек, Ўзбекистон яҳудийлар миллий маданий марказининг бир қатор экспонатлари намойиш этилаётган бўлиб, унда Ўзбекистон-Исроил муносабатларининг ривожланиши, янги Ўзбекистон ҳудудида яҳудий халқи тарихи ва маданий ҳаёти ёритиб берилмоқда.

Кўргазма ўз ишини бугун, 26 март куни бошлади. Очилиш маросимида “Ўзархив” агентлиги, Ўзбекистон тарихи Давлат музейи, Ўзбекистон Республикаси Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси, “Ўзбекистон-Исроил” дўстлик жамияти, Ўзбекистон яҳудийлар миллий маданий маркази, ҳамкор ташкилотлар, оммавий ахборот воситалари вакиллари иштирок этди.

Маълумот учун, кўргазма ўз ишини  30 март кунига қадар давом эттиради.

Шарҳлар

Кун мавзуси: коронавирус
Об-ҳаво: Тошкент
+23.97° очиқ ҳаво
Валюта курси
10875.37
USD -10.63
11079.83
EUR -54.37
181.48
RUB 1.02
1