Ўзбекистон Президенти Шавкат Мирзиёев ва Туркия Президенти Режеп Таййип Эрдоған Кўксарой қароргоҳидаги Фахрий меҳмонлар хиёбонига кўчат ўтқазди.
Қайд этилишича, бу йил Ўзбекистон билан Туркия ўртасида дипломатик алоқалар йўлга қўйилганига 30 йил, Стратегик шериклик муносабатлари ўрнатилганига 5 йил тўлди.
"Мазкур хиёбонда бошқа ҳамкор давлатлар раҳбарлари эккан дарахтлар ҳам бор",-дейилади Президент матбуот котиби хабарида.
Эслатиб ўтамиз, аввалроқ Мирзиёев ва Эрдўған Тошкент вилоятида ИЭСни ишга туширгани, шунингдек, Зироат Мирзиёева ва Эмине Эрдўған сумалак базмида иштирок этгани ҳақида ёзгандик.
