"Манчестер Юнайтед" ҳужумчиси Криштиану Роналду мавсум якунида жамоани тарк этиши мумкин. Бу ҳақда ESPN хабар бермоқда.
Қайд этилишича, 37 ёшли португалиялик футболчининг "қизил иблислар" билан шартномаси 2023 йилда якунланади. Лекин унинг жамоада қолиши аниқ эмас. Шу сабабли футболчи тез орада фаолияти бўйича якуний қарорга келади.
Маълумот учун, Роналду жорий мавсум АПЛда 24 ўйинда майдонга тушиб, 12та гол ва 3та ассистга муаллифлик қилган. ЕЧЛда эса 7 ўйинда 6та гол киритган.
